«Biełarusbank» papiaredžvaje pra falšyvy akaŭnt u instahramie
«Biełarusbank» zajaŭlaje pra vyjaŭlenyja fakty machlarstva ŭ sacyjalnaj sietcy Instagram. Pra heta infarmuje sajt banka.
Klijentam banka ŭ Instagram nakiroŭvali rekłamnyja paviedamleńni ab rozyhryšy hrošaj. Paśla prachodžańnia viktaryny na ekranie źjaŭlałasia suma vyjhryšu, za pieravod jakoha brałasia kamisija. Pry hetym złamyśniki vykarystoŭvali łahatyp «Biełarusbanka» i vyjavu jaho budynka.
Taksama ŭ sacsietcy byŭ paznačany i falšyvy rachunak belarus_bank_official z abjavaj: «Pieršym 1000 padpisčykam — siertyfikat na 50 rubloŭ».
Bank prosić nie pierachodzić pa nieznajomych spasyłkach. Tych, chto sutyknuŭsia z takoj rassyłkaj, «Biełarusbank» prosić zabłakavać falšyvy akaŭnt abo paskardzicca na jaho.