Lenta.ru: Na abjadnańnie ź Biełaruśsiu zmarnavanyja miljardy, ale vyniku niama
Sioleta Sajuznaj dziaržavie Rasii i Biełarusi spaŭniajecca 20 hadoŭ. Rasijskaje vydańnie Lenta.ru vyśviatlała, na jakim etapie znachodzicca siońnia praces intehracyi i kolki heta kaštuje rasijskim płacielščykam padatkaŭ.
Fota: president.gov.by.
Papularny resurs adznačaje, što Sajuznaja dziaržava (SD) Rasii i Biełarusi da apošniaha času zastavałasia vyklučna dekaratyŭnym utvareńniem. Jana isnavała jak by niezaležna ad realnych uzajemaadnosin dźviuch dziaržaŭ. Adnak usio źmianiłasia ź siaredziny minułaha hoda, kali Rasija pačała tak zvany padatkovy manieŭr.
«Adnačasova Uładzimir Pucin u jakaści ŭmovy dalejšaj ekanamičnaj dapamohi namiaknuŭ na pahłybleńnie intehracyi ź Biełaruśsiu pa linii toj samaj dekaratyŭnaj Sajuznaj dziaržavy»,
— piša Lenta.ru.
Toj farmat intehracyi, cikavaść da jakoha prajaŭlali abiedźvie krainy ŭ 1999 hodzie, užo da siaredziny 2000-ch straciŭ aktualnaść.
Sajt piša, što palityčnaja intehracyja krain tak i zastałasia na ŭzroŭni dekłaracyi 1999 hoda, kali Barys Jelcyn i Alaksandr Łukašenka padpisvali damovu ab stvareńni Sajuznaj dziaržavy.
«Adziny parłamient, urad, sud, hramadzianstva i hetak dalej realna nie isnujuć. Sajuznaja dziaržava — a dakładniej, jaje aparat — pieratvaryłasia ŭ idealnuju strukturu, adzinaj metaj jakoj źjaŭlajecca padtrymańnie ŭłasnaha isnavańnia»,
— piša rasijski žurnalist.
Lenta.ru adznačaje, što na padtrymańnie raboty sajuznaj biurakratyi marnujecca prykładna 80% biudžetu SD (bolšuju častku jakoha apłačvaje Rasija).
U jakaści prykładu absurdnaści hetaha biudžetu vydańnie pryvodzić prahramu SD «pa padtrymcy inavacyjnaha raźvićcia vytvorčaści bulby i tapinambura». Dla jaje vykanańnia na 2013-2016 hady ŭ sajuzny biudžet zakłali bolš za siem miljardaŭ rasijskich rubloŭ (pa ciapierašnim kursie heta bolš za 100 miljonaŭ dalaraŭ).
Tapinambur. Fota: pixabay.
«Dziŭna, ale niahledziačy na važnaść prablemy i aktualnaść pastaŭlenych zadač, miljardy, što vydzialajucca, tak i nie byli da kanca asvojeny. Pavodle spravazdač za 2017 hod, srodki na stvareńnie inavacyjnaha tapinambura zraschodavany tolki na 65%»,
— piša Lenta.ru.
Całkam naturalna, što nieefiektyŭny farmat intehracyi Biełarusi i Rasii nie atrymaŭ asablivaj papularnaści na postsavieckaj prastory.
U 2018 hodzie Maskva pačała reviziju adnosin ź Biełaruśsiu ŭ ramkach Sajuznaj dziaržavy, ličyć vydańnie. I ŭbačanaje, vidavočna, rasčaravała pradstaŭnikoŭ rasijskaha boku.
«U toj čas jak z Kitajem Łukašenka adkryvaje technaparki, a z ZŠA, padobna, abmiarkoŭvaje praviadzieńnie vajennych vučeńniaŭ, Rasii jon prapanuje vyroščvać inavacyjnuju bulbu, košt jakoj robić hetu prapanovu prosta nieprystojnaj»
— robić vysnovu papularny rasijski sajt.