U minskim internacie ŭnačy adbyŭsia pažar: evakujavali bolš za 200 čałaviek, siamiora paciarpieli
23 lutaha ŭ 01.02 u vyratavalnaje viedamstva pastupiła paviedamleńnie ab zaharańni błok-pakoja na druhim paviersie dzieviacipaviarchovaha internata №1 «Haryzont», što pa zavułku S.Kavaleŭskaj, 55, paviedamlaje 112.by
Vyśvietliłasia, što ŭ chole błoka na 8 pakojaŭ na druhim paviersie adbyłosia zaharańnie majomaści i mebli na płoščy 12 kv.m. Rabotniki MNS sumiesna z administracyjaj abjekta evakujavali z budynka internata 223 čałavieki, u tym liku 40 dziaciej.
Užo paśla likvidacyi pažaru pa miedycynskuju dapamohu samastojna źviarnulisia siem čałaviek, u tym liku čaćviora dziaciej, jakich dastavili ŭ balnicy. Asnoŭny papiaredni dyjahnaz - atručeńnie praduktami hareńnia.
Pažar byŭ łakalizavany i likvidavany ratavalnikami. Razhladanaja viersija — karotkaje zamykańnie elektrapravodki.