U Ispanii znajšli miortvym stvaralnika rasijskaha kanała NTV
U Ispanii znojdzieny miortvym miedyjamieniedžar, były hiendyrektar i adzin sa stvaralnikaŭ rasijskaha telekanała NTV Ihar Małašenka, paviedamlaje «Kommiersant» sa spasyłkaj na svaje krynicy.
Małašenku było 64 hady. Jaho žonkaj była rasijskaja śvieckaja lvica Bažena Rynska. Miarkujecca, što jon skončyŭ žyćcio samahubstvam. Aficyjnaha paćvierdžańnia hetaj infarmacyi pakul što niama.
U 1996 hodzie Małašenka byŭ hałoŭnym daradcam vybarčaj kampanii kandydata ŭ prezidenty Rasii Barysa Jelcyna. U 2001-2009 hadach byŭ hiendyrektaram kanała RTVI. Małašenka ŭznačalvaŭ pieradvybarčy štab televiadučaj Ksienii Sabčak, jakaja bałatavałasia ŭ prezidenty Rasii ŭ 2018 hodzie.