Piešachody pačali pierabiahać vulicu Bahdanoviča, dzie viadziecca ramont, — i DAI prydumała vychad
Sietkavatuju aharodžu płanujuć ustalavać na ŭčastku vulicy Bahdanoviča ad prypynku «Opierny teatr» u napramku vulicy Paškievič, paviedamili karespandentu ahienctva «Minsk-Naviny» ŭ adździele DAI Centralnaha RUUS.
Tam adznačyli, što paśla zakryćcia piešachodnaha pierachodu praz vulicu Bahdanoviča ad Staražoŭskaj da Kupały stali fiksavacca fakty parušeńnia PDR piešachodami.
— Niedyscyplinavanyja hramadzianie ŭ parušeńnie pravił pierachodziać darohu pa vulicy Bahdanoviča ad prypynačnaha punkta «Opierny teatr» da doma № 23 i nazad, što moža pryvieści da ciažkich nastupstvaŭ, — adznačyŭ staršy inžynier pa arhanizacyi darožnaha ruchu adździeła DAI Centralnaha RUUS Vital Karościk. — Časovy śvietłaforny abjekt tam nie praduhledžany, nie płanujecca abstalavać tam i piešachodny pierachod. Tamu prapracoŭvajecca pytańnie ŭstanoŭki ŭ niebiaśpiečnym miescy piešachodnaj aharodžy.
U DAI zaklikajuć udzielnikaŭ ruchu vykarystoŭvać rehulavany piešachodny pierachod, raźmieščany na skryžavańni vulicy Bahdanoviča i vulicy Paškievič. Prajści da ziebry treba tolki niekalki lišnich krokaŭ.