U Viciebsku kala kramy prosiać hrošy dla chvoraha na lejkoz chłopčyka, jaki pamior 5 hadoŭ tamu FOTA
U Bileva maładaja dziaŭčyna źbiraje achviaravańni dla chvoraha na lejkoz małoha. Voś tolki heta — maleńki chłopčyk z Krasnajarska, jaki pamior jašče ŭ 2014 hodzie. Pra heta Tut.by paviedamiła čytačka, žycharka hetaha viciebskaha mikrarajona.
— Heta fota zroblena 25 lutaha ŭ kramie «Dabranom» na vulicy Bahramiana, 10. Maładaja asoba źbiraje achviaravańni dla Kości Łaparova. Chłopčyku 1,9 hoda i jon chvory na rak kryvi. Ale hety mały z rasijskaha Krasnajarska, na žal, pamior jašče ŭ 2014 hodzie. Heta bluźnierstva — voś tak ihrać na pačućciach čullivych ludziej, jakija, nie viedajučy ŭsich akaličnaściaŭ situacyi, hatovyja dapamahčy materyjalna, — ličyć čytačka Tut.by, što dasłała ŭ redakcyju hety zdymak.
Sapraŭdy, na sajcie rasijskaha dabračynnaha fondu AdVITA paviedamlajecca, što Kościa Łaparoŭ z Krasnajarska, na lačeńnie jakoha źbirali achviaravańni ŭ Rasii, pamior 20 červienia 2014 hoda. Chłopčyk chvareŭ na rak kryvi, jamu było 2 hady i 3 miesiacy.