Ukraina nie budzie brać udzieł u Jeŭrabačańni
Ukraina nie budzie ŭdzielničać u piesiennym konkursie Jeŭrabačańnie ŭ 2019 hodzie. Pra heta paviedamiŭ kiraŭnik hramadskaj telekampanii Ukrainy Zurab Ałasanija.
«Nacyjanalnaja hramadskaja teleradyjokampanija Ukrainy admaŭlajecca ad udziełu ŭ Mižnarodnym piesiennym konkursie Jeŭrabačańnie-2019», — zajaviŭ jon.
Pa słovach Ałasanii, pieramožcam nacyjanalnaha adboru na ciapierašniaje Jeŭrabačańnie stała śpiavačka MARUV, jakoj «Suśpilnie» prapanavała skłaści damovu. Adnak, paśla praviedzienych pieramoŭ MARUV admoviłasia padpisvać dahavor.
«U situacyi niepadpisańnia dahavora pra ŭdzieł u Jeŭrabačańni ź pieramožcam, teleradyjokampanija pa čarzie źviarnułasia da finalistaŭ, jakija zaniali druhoje i treciaje miesca pa vynikach Nacyjanalnaha adboru. Hrupy Freedom Jazz i Kazka taksama admovilisia ad udziełu ŭ Jeŭrabačańni-2019», — nahadaŭ jon.