U Śvietłahorsku «Reno» ŭlacieŭ u aporu rekłamnaha ščyta, kiroŭca zahinuŭ FOTA
Siońnia kala 16-j hadziny ŭ pramysłovaj zonie Śvietłahorska zahinuŭ małady mužčyna. Zdaryłasia heta ŭ vyniku DTZ, paviedamlaje «Ranak».
Aŭtobus 11-ha maršruta ruchaŭsia pa vulicy Zavodskaj. Pavaročvajučy naleva, u bok prypynku «Urał», kiroŭca aŭtobusa spyniŭsia, prapuskajučy sustrečny transpart. U hety čas zzadu jaho začapiŭ aŭtamabil «Reno», u jakim znachodziŭsia adzin čałaviek. Lehkavik adkinuła naprava i litaralna raspluščyła na stojcy rekłamnaha ščyta.
U vyniku kiroŭcu, 29-hadovaha mužčynu, zacisnuła ŭnutry skryŭlenaj mašyny. Ratavalniki vyciahnuli paciarpiełaha, ale mužčyna atrymaŭ traŭmy, niesumiaščalnyja z žyćciom. Miedyki kanstatavali śmierć. Supracoŭniki śledča-apieratyŭnaj hrupy vyśviatlajuć usie akaličnaści i pryčynu zdareńnia.