Na trasie M1 u Tałačynskim rajonie lehkavik vylecieŭ na sustrečnuju i ŭrezaŭsia ŭ dźvie fury
Try čałavieki paciarpieli ŭ sutyknieńni lehkavuški i dvuch fur pamiž Tałačynom i Oršaj, pra heta paviedamlaje DAI Viciebskaj vobłaści.
Avaryja adbyłasia 1 sakavika, kala 08.35 na 540-m kiłamietry trasy M1 Brest — Minsk — miaža RF. 32-hadovy vadziciel Chrysler Voyager nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia z furami Volvo i Mercedes, paśla čaho lehkavik vylecieŭ u kiuviet.
U vyniku DTZ try pasažyry Chrysler atrymali traŭmy roznaj stupieni ciažkaści i byli dastaŭleny ŭ balnicu. U ciapierašni čas ich asoby vyśviatlajucca.