Mer Minska: Mahčyma, puścim chutkasny tramvaj z Sucharava na Kalvaryjskuju
Fota Volhi Šukajły, Tut.by
U pačatku sakavika spoŭnicca sto dzion z tych časoŭ, jak byŭ pryznačany novy staršynia Minharvykankama Anatol Sivak. Pierad «Vialikaj razmovaj» u Łukašenki Tut.by pacikaviŭsia, jakich traspartnych źmienaŭ čakać stalicy.
«Ja rašeńnie prablem baču praz raźvićcio rejkavaha transpartu. Treba prajekt haradskoj elektryčki, što spyniŭsia, raźvivać, kab jana skraznym chodam prachodziła praź Minsk-Pasažyrski. Treba raźvivać mietro, ale heta vielmi doraha. I treba raźvivać chutkasny tramvaj. Padkreślivaju, chutkasny. I pavysić efiektyŭnaść taho tramvaja, jaki jość, — skazaŭ jon.
— Zaraz my viadziem raźliki pa vietcy, jakaja (kali ŭ nas składziecca ekanomika, i ŭ paraŭnańni ź mietro jana budzie bolš efiektyŭnaja pa vydatkach) projdzie ad Sucharava da Kalvaryjskaj u rajon stancyi mietro Frunzienskaja i stancyi Minsk-Paŭnočny. Pakul rašeńnie kančatkova nie pryniali, ale pracujem nad biznes-płanam.
— A što daražej? Mietro budavać ci taki chutkasny tramvaj?
— Mietro. Siońnia jano kaštuje 80 miljonaŭ kiłamietr.