Łukašenka pra akcyju «Nieśmiarotny połk»: Ja kateharyčna suprać
Publicyst i navukovy supracoŭnik Centra historyka-fiłasofskich daśledavańniaŭ Instytuta fiłasofii NAN Alaksiej Dziermant padčas «Vialikaj razmovy z prezidentam» pacikaviŭsia ŭ Alaksandra Łukašenki z nahody taho, što varta było b aktyvizavać ideałahičnuju pracu. U tym liku razmova zajšła i pra akcyju da Dnia Pieramohi «Nieśmiarotny połk».
«Nieśmiarotny połk i hetak dalej… Ja kateharyčna suprać, — adkazaŭ Alaksandr Łukašenka. — Nie tamu, što suprać hetaj akcyi. Heta bliskučaja akcyja, rasijskaja akcyja, my z prezidentam Rasii abmiarkoŭvali niekalki hadoŭ tamu hetaje pytańnie. Ja kažu: «Taksama tam vašy nas paprakajuć, što my nibyta zabaraniajem «Nieśmiarotny połk». Vy ž u nas — hruba skazaŭ tak — sadrali hetuju ideju». Pamiatajecie? «Biełaruś pamiataje». Vy pamiatajecie hetyja akcyi? Ja staŭ prezidentam, pieršaja maja była akcyja i mianie vieterany paklikali iści ad ŭniviermaha, pa-mojmu, my išli ad HUMa, da płoščy Pieramohi i ŭskładali zaŭsiody vianki. Chto — z partretami, chto — jašče z čymści. A potym chadzili jašče pieršyja hady, ja pamiataju, u adnoj akcyi braŭ udzieł, budučy prezidentam, da pomnika Leninu. Dakładna takoje ž šeście».