Makiej: Biełaruś hatova da padpisańnia klučavych dakumientaŭ ź ES. Ale jość pazicyja adnoj krainy
Fota Voli Aficeravaj
Biełaruś bačyć mahčymaść dla bolš chutkaha padpisańnia klučavych dakumientaŭ ź Jeŭrapiejskim sajuzam.
Pra heta zajaviŭ siońnia žurnalistam ministr zamiežnych spraŭ Biełarusi Uładzimir Makiej pa vynikach narady ŭ kiraŭnika dziaržavy, piša BiełTA.
«My bačym mahčymaść chutkaha zaviaršeńnia pracy nad hetymi dakumientami, ale našy partniory taksama pavinny troški pavarušycca ŭ hetym płanie i prajavić hatoŭnaść da ich padpisańnia, — skazaŭ Uładzimir Makiej. — Hetyja dakumienty, z našaha punktu hledžańnia, možna było b padpisać choć zaŭtra. Ale, na žal, tak atrymlivajecca, što z-za pazicyi adnoj krainy Jeŭrasajuz stanovicca zakładnikam palityki hetaj krainy. Bo adna kraina pieranosić niejkija prablemnyja niuansy ŭ dvuchbakovych adnosinach na ŭsiu palityku Jeŭrasajuza».
U pryvatnaści, tarmazicca padpisańnie sumiesnych pryjarytetaŭ partniorstva pamiž Biełaruśsiu i Jeŭrapiejskim sajuzam da 2020 hoda. «Tam jość nieprymalnyja dla nas na dadzienym etapie patrabavańni. Ale my navat i nie atrymali aficyjnaha adkazu ź Jeŭrapiejskaha sajuza na našy prapanovy», — adznačyŭ ministr.