Mahiloŭka pasprabavała źvieści kachanaha ź siamji pad vyhladam pracadaŭcy sa Šviejcaryi
Žycharka Mahilova źviarnułasia ŭ milicyju i paprasiła vyznačyć asobu machlara, jaki prapanoŭvaŭ jaje mužu pracu za miažoj. Mužu žančyny nastojliva pisali ŭ adzin z mabilnych miesiendžaraŭ.
Mužčyna byŭ rady pierśpiektyvam pracaŭładkavańnia ŭ Šviejcaryi. Adnak isnavała niekalki ahavorak: nieabchodna było pradać svaju majomaść, kab pry ŭładkavańni na pracu byŭ hrašovy kapitał, a taksama raźvieścisia z žonkaj. Apošniaje aburyła i naściarožyła žančynu. Jana adrazu ž pajšła ŭ milicyju, tym bolš što muž paśpieŭ pahadzicca z dovadami nieznajomca i padaŭ na razvod.
U situacyi razabralisia supracoŭniki padraździaleńniaŭ pa raskryćci złačynstvaŭ u śfiery vysokich technałohij. Akazałasia, što mužčynu adpraŭlała paviedamleńni daŭniaja znajomaja, jakaja žadała takim čynam źvieści jaho ź siamji. Kali jon nabraŭ numar telefona pryjacielki, jana pryznałasia i paprasiła prabačeńnia.