Chapaŭ u śpiešcy i nie zaŭvažyŭ: złodziej skraŭ zamiest mabilnikaŭ dziesiać pustych skrynak ad ich
Pra aniekdatyčny vypadak piša SK.
U Mścisłavie nočču 23 lutaha 44-hadovy mužčyna, raźbiŭšy akno, prakraŭsia ŭ handlovy paviljon, kab skraści mabilniki. Jaho płanam pieraškodziła sihnalizacyja. Schapiŭšy ŭ śpiešcy kala dziesiaci skrynak z telefonami, jon źbieh. Adnak «ułoŭ» rasčaravaŭ mužčynu, kali pabačyŭ va ŭsich skrynkach tolki zaradnyja pryłady i dakumienty na telefony.
Praź niekalki dzion jon byŭ zatrymany. Ustanoŭlena taksama jaho dačynieńnie da kradziažu ŭ studzieni 2018 hoda. Raniej mužčyna vosiem razoŭ pryciahvaŭsia da kryminalnaj adkaznaści za ŭčynieńnie anałahičnych złačynstvaŭ.