Mikałaja Dziadka aštrafavali za akcyju «Svabodu palitviaźniam»
Anarchista Mikałaja Dziadka dastavili ŭ sud Centralnaha rajona Minska paśla abiedu 6 sakavika. Jaho vinavacili ŭ administracyjnym pravaparušeńni pa art. 23.34 KaAP — «udzieł u niesankcyjanavanym masavym mierapryjemstvie», za vychad na Kastryčnickuju płošču 26 lutaha, piša spring96.org.
Mikałaj Dziadok u zali suda.
Spravu razhladała sudździa Viktoryja Šabunia.
Mikałaj Dziadok pryznaje, što ŭdzielničaŭ u akcyi «Svabodu palitviaźniam» 26 lutaha ŭ Minsku, ale nie pryznaje svajoj viny, bo ličyć zakon «Ab masavych mierapryjemstvach» represiŭnym. Jon taksama ličyć, što jaho dziejańni nie nasili hvałtoŭnaha charaktaru, adnak «stolki siłaŭ milicyjanieraŭ było kinuta na jaho, što heta navat absurdna».
Mikałaj Dziadok adznačaje, što padčas mierapryjemstva supracoŭniki milicyi pravodzili videafiksacyju, nie było nivodnaha milicyjaniera, apranutaha ŭ formiennaje abmundziravańnie, a sam aktyvist inšym hramadzianam i minakam svaimi dziejańniami nie pieraškadžaŭ. Ličyć svajo zatrymańnie niezakonnym.
Akramia hetaha, vyjaviłasia, što pratakoł apytańnia byŭ składzieny z parušeńniami.
U vyniku sud paličyŭ vinu Mikałaja Dziadka dakazanaj i aštrafavaŭ jaho na 25 bazavych vieličyń (637,5 rubla).
Taksama viadoma, što na aktyvista było składziena jašče dva pratakoły za vykładzienyja ŭ siecivie fotazdymki z fłešmobu suprać zakona ab ekstremiźmie. Kali adbuducca pasiedžańni pa hetych spravach pakul što nieviadoma.