Žychar Łuninca rasstralaŭ žonku, ciešču i švahra, a zatym sprabavaŭ zabić siabie
Łuninieckaja milicyja 8 sakavika vyjaviła cieły troch miascovych žycharoŭ z ahniastrelnymi ranieńniami, paviedamlaje Śledčy kamitet.
Viečaram 8 sakavika 66-hadovy žychar Łuninca, znachodziačysia ŭ haściach u svajoj cioščy, u chodzie svarki vystraliŭ z ružža ŭ svaju 56-hadovuju žonku, jaje 78-hadovuju maci i 50-hadovaha brata, ad čaho jany pamierli na miescy zdareńnia. Paśla hetaha mužčyna streliŭ z ružža sabie ŭ hałavu, adnak zastaŭsia žyvy. Ciapier jon znachodzicca ŭ balnicy pad kanvojem.
Suprać mužčyny raspačali kryminalnuju spravu pa č.2 art.139 (zabojstva) Kryminalnaha kodeksa. Padazravany raniej da kryminalnaj adkaznaści nie pryciahvaŭsia. Dazvołu na zachoŭvańnie zbroi jon nie mieŭ.
Abstaviny zdareńnia vyśviatlajucca.