Miaśnikovič raskazaŭ, jak ułada moža stracić davier naroda
Staršynia Savieta Respubliki Nacyjanalnaha schodu Michaił Miaśnikovič, vystupajučy na sumiesnym pasiadžeńni Savieta pa ŭzajemadziejańni orhanaŭ miascovaha samakiravańnia pry Saviecie Respubliki i Savieta Akademii kiravańnia, zavastryŭ uvahu na prablemach ekanomiki.
Nievysokija prybytki i «prychavanaje biespracoŭje»
«Kredyt davieru (da ŭłady — NN) nie moža być šmathadovym va ŭmovach nievysokich dachodaŭ fizičnych asob i pry najaŭnaści ciažkaściaŭ z efiektyŭnym pracaŭładkavańniem nasielnictva.
Pradpryjemstvy dziaržaŭnyja i vialikija pryvatnyja trymajuć zališniuju kolkaść (pracaŭnikoŭ — NN). Heta ich, jak praviła, prymušajuć rabić miascovyja ŭłady zamiest stvareńnia novych pracoŭnych miescaŭ. U vyniku siaredniaja zarpłata nievysokaja. Małyja i siarednija pradpryjemstvy va ŭmovach praficytu pracoŭnych resursaŭ prynižajuć vypłaty rabočym i słužačym, što taksama niehatyŭna ŭpłyvaje na hramadski klimat».
Zamiest rostu VUP — padzieńnie da ŭzroŭniu 2015 hoda
«Dola biełaruskaj apracoŭčaj pramysłovaści ŭ suśvietnaj u 2016 hodzie źniziłasia na 0,02 p. P. — da 0,11 adsotka. U 2010—2011 hadach składała 0,13 adsotka. VUP = 0,06 adsotka suśvietnaha ŭ 2017 hodzie, a ŭ 2014 byŭ 0,09 adsotka. Dla daviedki, dola VUP ZŠA ŭ suśvietnym VUP składaje 24 pracenty, a Kitaja — 15 adsotkaŭ. Heta dadzienyja za 2017 hod.
U siarednim pa krainie vałavy rehijanalny pradukt na dušu nasielnictva składaje ŭ nas 12 818,6 rubla: ad 7680,2 rubla ŭ Viciebskaj vobłaści da 16 931,4 rubla ŭ Minsku.
I kali ŭ struktury VUP udzielnaja vaha VRP Minskaj vobłaści składaje 14,4 pracenta, to ŭkład Mahiloŭskaj vobłaści — tolki 6,8 pracenta.
Faktyčna vykanańnie ŭ 2016—2018 hadach Prahramy sacyjalna-ekanamičnaha raźvićcia Respubliki Biełaruś na 2016—2020 hady pa roście VUP, VRP u Viciebskaj i Mahiloŭskaj abłaściach nie dasiahnuła ŭzroŭniu 2015 hoda».
Zapazyčanaści pa zarpłacie
«Na 1 studzienia hetaha hoda ŭ 83 arhanizacyjach respubliki miełasia zapazyčanaści pa zarabotnaj płacie (u Viciebskaj vobłaści — 70 arhanizacyj; u Homielskaj — 2; u Hrodzienskaj — 1; u h. Minsku — 6; u Minskaj — 3; u Mahiloŭskaj — 1).
Za 2018 hod vyjaŭlena 2618 faktaŭ parušeńnia najmalnikami terminaŭ vypłaty zarabotnaj płaty».
Skaračeńnie inviestycyjnaj aktyŭnaści
«Dola ekspartu siarednie-i vysokatechnałahičnaj pradukcyi ŭ ahulnym abjomie ekspartu tavaraŭ u Biełarusi składaje 33 pracenty, u Vienhryi - 69,5, Słavakii - 66,6, Čechii - 64, Rumynii - 52,8, Polščy - 49,6 pracenta. Heta krainy Centralnaj i Uschodniaj Jeŭropy, patencyjał jakich u navucy i technałohijach možna ličyć supastaŭnym z našaj respublikaj.
U apošnija hady značna źniziłasia inviestycyjnaja aktyŭnaść realnaha siektara ekanomiki.
Dola inviestycyj u asnoŭny kapitał u VUP skaraciłasia z 32,1 pracenta ŭ 2011 hodzie da 20 pracentaŭ u 2018 hodzie. Nie prahladajecca palapšeńnie i ŭ 2019 hodzie. Razam z tym dla zabieśpiačeńnia ŭstojlivaha raźvićcia krainy z vysokim udzielnaj vahoj apracoŭčaj pramysłovaści ŭ struktury ekanomiki, a Biełaruś takoj źjaŭlajecca, nieabchodna, kab dola inviestycyj u asnoŭny kapitał u VUP była nie nižej za 25 pracentaŭ.
Adkrytaść ekanomiki charaktaryzujecca uzroŭniem intehracyi ŭ suśvietnuju ekanomiku. U pieršuju čarhu staŭleńniem ekspartu i impartu da VUP. U Biełarusi pakazčyk adkrytaści ekanomiki 1,3 (dla paraŭnańnia ŭ Hiermanii - 0,8, u Kitaja - 0,4, u ZŠA - 0,3)».
Rezkaje paharšeńnie demahrafičnaj situacyi
«Z 2017 hoda ŭ krainie nazirajecca rezkaje paharšeńnie demahrafičnaj situacyi.
Za dva hady (pa papiarednich dadzienych) kolkaść nasielnictva respubliki skaraciłasia na 29,1 tysiačy čałaviek i na 1 studzienia 2019 hoda skłała 9475,6 tysiačy čałaviek.
Faktyčna my viarnulisia da pačatku 2015 hoda.
Asnoŭny ŭpłyŭ na demahrafičnuju situacyju praciahvajuć akazvać źnižeńnie ŭzroŭniu naradžalnaści i nizki mihracyjny pryrost, jaki nie moža papoŭnić naturalnyja straty nasielnictva.
Pavodle papiarednich dadzienych u minułym hodzie ŭ respublicy naradziłasia 94,4 tysiačy dziaciej, što na 20 pracentaŭ mienš, čym ŭ 2016 hodzie. Uzrovień naradžalnaści źniziŭsia z 12,4 da 10 na 1000 čałaviek nasielnictva. Heta źjaŭlajecca samym nizkim uzroŭniem u JEAES.
Daviedačna. Za 2017 hod u respublicy naradziłasia 102,6 tysiačy dziaciej, što na 15,2 tysiačy (na 13 pracentaŭ) mienš, čym ŭ 2016 hodzie. Uzrovień naradžalnaści źniziŭsia z 12,4 da 10,8 na 1000 čałaviek nasielnictva.
Asablivuju tryvohu vyklikaje toj fakt, što ŭ paraŭnańni z 2016 hodam kolkaść dziaciej, narodžanych pieršymi, skaraciłasia amal na 24 adsotki, narodžanych druhimi - na 21 pracent, trecimi - na 13 pracentaŭ.
U cełym, ja pryvodziŭ dadzienyja, minus 20 pracentaŭ. Samyja horšyja pakazčyki naradžalnaści ŭ Minsku i Viciebskaj vobłaści. Rekamienduju razhledzieć hetyja pytańni ŭ siabie ŭ Savietach deputataŭ. Spasyłki na ahulnyja niedachopy nie prymajucca. Jość dobryja prykłady: kaeficyjent naradžalnaści bolš vysoki na praciahu 2011-2018 hadoŭ u Bresckaj, Minskaj i Hrodzienskaj abłaściach, astatnija rezka hublajuć kolkaść.
Upieršyniu za apošnija 7 hadoŭ u 2018 hodzie ŭ respublicy adznačany rost śmiarotnaści nasielnictva ŭ pracazdolnym vieku».
Uciečka mazhoŭ
«Varta adznačyć prablemy i ź źniešniaj pracoŭnaj mihracyjaj, asabliva vyjezdu ludziej z vysokim uzroŭniem kvalifikacyi.
Pavodle danych vybaračnaha abśledavańnia chatnich haspadarak, za 2018 hod kolkaść hramadzian, jakija pracujuć za miežami respubliki (nie źmianiajučy svajho pastajannaha miesca žycharstva), skłała 95,4 tysiačy čałaviek: heta vyšej za 2017 hod».
2/3 siemjaŭ ź dziećmi - małazabiaśpiečanyja
«Pa Biełarusi amal 2/3 siemjaŭ, jakija majuć dziaciej, źjaŭlajucca małazabiaśpiečanymi. Tendencyi za apošnija hady niekalki pahoršylisia, i kolkaść małazabiaśpiečanych siemjaŭ, jakija majuć dziaciej, dzie dušavyja dachody nižej MSB (347,74 rubla), niekalki pavialičyłasia».
Čverć rajonaŭ adstajuć pa ŭzroŭni sacyjalna-ekanamičnaha raźvićcia
«31 rajon našaj krainy źjaŭlajecca terytoryjaj, adstałaj pa ŭzroŭni sacyjalna-ekanamičnaha raźvićcia, - bolš za čverć rajonaŭ krainy. Hetaja ličba kaža sama za siabie.
Takich rajonaŭ try ŭ Bresckaj vobłaści (Hancavicki, Drahičynski, Małarycki); siem - u Viciebskaj (Haradocki, Loźnienski, Mijorski, Sieńnienski, Ušacki, Šarkaŭščynski, Šumilinski); vosiem - u Homielskaj (Vietkaŭski, Dobrušski, Karmianski, Lelčycki, Łojeŭski, Naraŭlanski, Pietrykaŭski, Čačerski); try - u Hrodzienskaj (Voranaŭski, Zelvienski, Śvisłacki); try - u Minskaj (Klecki, Kapylski, Lubanski); u Mahiloŭskaj vobłaści - Hłuski, Kiraŭski, Krasnapolski, Słaŭharadski, Chocimski, Čavuski, Čerykaŭski ».
Što rabić?
«Pryciahvać inviestaraŭ pad harantyju Prezidenta, jak adzina realnuju i da jakoj majecca davier.
Asnoŭnuju masu respublikanskich pradpryjemstvaŭ pieradać u kamunalnuju ŭłasnaść i, kali treba, refarmavać. U rehijonach jość choć niejkija pryłady padtrymki. U ministraŭ ich praktyčna niama.
Dać ludziam ziamlu pad budaŭnictva žylla, dać kredyty maładym siemjam ź dziećmi. Dać taksama ziamlu pad budaŭnictva abjektaŭ śfiery pasłuh i vytvorčaści. Admianić administracyjny cisk u adnosinach da inviestaraŭ».
Cytaty pavodle «Źviazda»