Hiehiemonija Furkada pierapyniłasia
Narviežski bijatłanist Jochanes Bio daterminova vyjhraŭ ahulny zalik Kubka śvietu.
Jochanes Bio. Fota ź Vikipiedyi
Paśla druhoha miesca ŭ honcy pieraśledu na čempijanacie śvietu Bio nabraŭ 1050 bałaŭ. Rasijanin Alaksandr Łohinaŭ, jaki idzie druhim, maje 726 bałaŭ, u aktyvie francuza Kientena Fijona Maje, jaki zajmaje treciaje miesca, 692 ački.
Takim čynam, Bio staŭ niedasiahalny dla kankurentaŭ i vyjhraŭ Vialiki kryštalny hłobus. Hety trafiej staŭ dla narviežca pieršym u karjery. Bijatłanist taksama vyjhravaŭ zołata Alimpijskich hulniaŭ u 2018 hodzie.