Dziaŭčynka chacieła zrabić sełfi. Padrabiaznaści hibieli 12-hadovaj školnicy ŭ Chojnikach
Trahiedyja adbyłasia 11 sakavika bližej da viečara. Dźvie dziaŭčynki hulali la zakinutaha, častkova aharodžanaha i zachłamlenaha vadajoma na adnoj z vulic rajcentra, paviedamlaje sb.by.
Čytajcie taksama: U Chojnikach patanuła 12-hadovaja dziaŭčynka, pravaliŭšysia ŭ vadajom hłybinioj 1,5 mietra
Adna ź dziaŭčynak, 2006 hoda naradžeńnia, rabiła sełfi nad abryvam, paśliznułasia i ŭpała ŭ vadajom. Siabroŭka patelefanavała baćkam dziaŭčynki. Na miesca zdareńnia prybiehli jaje baćka i maci. Baćka dastaŭ dziaŭčynku, vyklikali «chutkuju» i ekstrannyja słužby, adnak vyratavać dzicia nie ŭdałosia.
Nie vyklučana, što dziaŭčynka atrymała pry padzieńni traŭmu. Vady ŭ vadajomie mała, prykładna mietr, vyšynia abryvu — mienš za dva mietry.