Mahiloŭski buchhałtar adkryła e-mail ad nieviadomaha. Zaraz spravu rasśleduje SK
Kryminalnuju spravu raspačali pa fakcie błakavańnia kampjutarnaj infarmacyi ŭ Mahilovie. Jak paviedamili ŭ adździele infarmacyi i suviazi z hramadskaściu SK, u sakaviku supracoŭnicy buchhałteryi adnaho z pradpryjemstvaŭ na słužbovuju elektronnuju paštovuju skryniu ad nieviadomaha adrasata pryjšoŭ list z tekstavym dakumientam.
Paśla adkryćcia fajła ŭsia infarmacyja, jakaja zachoŭvałasia na słužbovych kampjutarach arhanizacyi, była zašyfravana. Złamyśniki taksama pakazali kantaktnyja danyja i numar kryptakašalka, na jaki dla rasšyfroŭki danych nieabchodna pieravieści 0,5 bitkojna.