Łukašenka raskazaŭ, jakim čynam padymajecca imidž krainy
Realizacyja sumiesnych prajektaŭ z takimi viadomymi ŭ śviecie kampanijami, jak «Štadler», surjozna padymaje imidž Biełarusi. Ab hetym Alaksandr Łukašenka zajaviŭ siońnia na sustrečy sa staršynioj administracyjnaha savieta, uładalnikam kampanii «Štadler Rejł Hrup» Pieteram Špuleram, piša BiełTA.
«My ŭ Biełarusi stvaryli sapraŭdy salidnaje pradpryjemstva (sumiesny zavod «Štadler Minsk»). Vaša pradpryjemstva daŭno ŭžo viadoma va ŭsim śviecie, ale toje, što na hetaj karcie źjaviłasia Biełaruś z vytvorčaściu prasunutaha čyhunačnaha, elektryčnaha transpartu — heta, viadoma, surjozna padymaje imidž krainy», — skazaŭ Alaksandr Łukašenka.