Na Kastryčnickaj płoščy zatrymali lidaraŭ apazicyjnych palityčnych partyj
Lidaram apazicyjnych palityčnych partyj nie dazvolili prajści sa ściahami i kvietkami ad Kastryčnickaj płoščy da budynka, dzie była abvieščanaja niezaležnaść Biełaruskaj Narodnaj Respubliki.
Fota: Tut.by.
Na Kastryčnickuju płošču kala 18:00 zavitaŭ były staršynia Abjadnanaj hramadzianskaj partyi Anatol Labiedźka, paźniej da jaho padyšli ciapierašni staršynia AHP Mikałaj Kazłoŭ i sustaršynia Biełaruskaj chryścijanskaj demakratyi Vital Rymašeŭski. Rymašeŭskaha i Kazłova zatrymali.
Na vychadzie ź mietro ludźmi ŭ cyvilnym zatrymany małady čałaviek u čyrvona-bieła-čyrvonym šaliku, jašče dvaich zatrymali na płoščy i pahruzili ŭ sini mikraaŭtobus.
Usiaho na padychodzie da Kastryčnickaj i na samoj płoščy zatrymanyja ad 8 da 10 čałaviek.
Zaraz ludziej na Kastryčnickaj płoščy niama.
Paviedamlajecca, što ŭsich zatrymanych viazuć u Centralnaje RUUS.