«Jana mianie ŭvieś čas kałupała». U Lelčyckim rajonie muž zabiŭ žonku paśla 30 hadoŭ sumiesnaha žyćcia
U Lelčyckim rajonie banalnaja svarka muža i žonki, jakija pražyli razam 30 hadoŭ, pryviała da trahiedyi. Muž nanios žoncy bolš za 35 udaraŭ: biŭ matykaj, inšymi pradmietami. U vyniku žančyna pamierła. Ab žorstkim zabojstvie Tut.by raspaviali ŭ prakuratury Homielskaj vobłaści.
Trahiedyja adbyłasia ŭ vieraśni minułaha hoda ŭ vioscy Markoŭskaje.
«Jana mianie ŭvieś čas kałupała», — tak patłumačyŭ vybuch hnievu ŭžo padčas dopytaŭ abvinavačany. Mužčyna ŭziaŭ kapanicu i joju staŭ źbivać žonku, zatym pad ruku trapiŭsia viłki dla čyhuna, vuda … U vyniku muž nanios žoncy bolš za 35 udaraŭ, ad atrymanych traŭmaŭ jana pamierła.
Ranicaj mužčyna źviarnuŭsia da susiedki, jakaja pracuje fielčaram, kab taja dapamahła čym-niebudź jaho žoncy — ale taja tolki kanstatavała śmierć.
U dačynieńni da mužčyny raspačali kryminalnuju spravu za zabojstva, ździejśnienaje z asablivaj žorstkaściu. Sprava pieradadziena ŭ sud.