Minčanka skardzicca: muzyki ŭ padziemnych pierachodach hrajuć zanadta hučna
Minčanka Alena Ivanaŭna źviarnułasia z pretenzijaj na pramuju liniju z novym kiraŭnikom Frunzienskaha rajona Minska Siarhiejem Škrudnievym, paviedamlajuć «Minsk-Naviny».
Jana skardzicca na muzykaŭ, jakija hrajuć u padziemnych piešachodnych pierachodach: časta muzicyrujuć dapazna i vielmi hučna, zaminajučy pry hetym rabotnikam i naviedvalnikam pobač raźmieščanych kijoskaŭ i paviljonaŭ. Na prośby nie ŭklučać ŭzmacnialniki, pa słovach minčanki, nie źviartajuć uvahi. U prykład pryviała pierachody kala stancyi mietro «Kamiennaja Horka».
Škrudnieŭ zaŭvažyŭ, što mahčymaść zarabić tvorčaściu — nie samy drenny varyjant baŭleńnia času dla moładzi.
Ale na ŭsialaki vypadak adpaviednyja słužby vyvučać situacyju i, kali jość niejkija abmiežavańni pa ŭzroŭni šumu, padkažuć muzykam.