Abvinavačanuju ŭ zabojstvie brata Kim Čen Yna asudzili na try hady turmy
Sud Małajzii prysudziŭ da troch hadoŭ i čatyroch miesiacaŭ turmy hramadzianku Vjetnama Doan Tchi Chyonh, padazravanuju ŭ zabojstvie zvodnaha brata lidara KNDR Kim Čen Nama, piša CNN.
Abvinavačvańnie ŭ vyniku było pierakvalifikavana z «naŭmysnaha zabojstva» na «pryčynieńnie škody zdaroŭju z vykarystańniem niebiaśpiečnaj zbroi».
Kim Čen Nam, starejšy zvodny brat paŭnočnakarejskaha lidara Kim Čen Yna, byŭ atručany 13 lutaha 2017 hoda ŭ aeraporcie Kuała-Łumpura. Dźvie žančyny — hramadzianki Vjetnama i Indaniezii — nakinuli jamu na tvar chustku ź niervova-paralityčnym rečyvam VX. Abvinavačanyja ŭ zabojstvie Kim Čen Nama žančyny svajoj viny nie pryznali. Jany dumali, što heta rozyhryš.