Park ekstremalnych vidaŭ sportu moža źjavicca ŭ parku imia Paŭłava ŭ Minsku
Druhuju čarhu rekanstrukcyi parku imia Paŭłava płanujuć zaviaršyć da 19 maja. Pra heta paviedamiŭ «Minsk-Navinam» padčas žyvoj linii 30 sakavika kiraŭnik administracyi Maskoŭskaha rajona Andrej Žajłovič.
— My razhladajem mahčymaść źjaŭleńnia na terytoryi parku imia Paŭłava placoŭki dla zaniatkaŭ ekstremalnymi vidami sportu, — raspavioŭ A. Žajłovič.
— U mai zavieršycca druhaja čarha rekanstrukcyi zialonaha abjekta. Budzie adramantavanaja ŭvachodnaja hrupa, pašyrana placoŭka dla praviadzieńnia masavych mierapryjemstvaŭ, zamieniena pakryćcio piešachodnych darožak i aśviatleńnie i inšaje.
Paralelna viadziecca raspracoŭka prajektnaj dakumientacyi dla praviadzieńnia nastupnaha — treciaha — etapu abnaŭleńnia parku. Płanujem unieści prapanovy ab uklučeńni ŭ 3-ju čarhu rekanstrukcyi i budaŭnictva placoŭki dla ekstremalnych vidaŭ sportu nakštałt toj, što znachodzicca na vuł. Staletava.
Jość zadumka stvaryć trasu dla dziortu — katańnia na BMX abo hornych rovarach z vykarystańniem ziemlanych nasypaŭ-tramplinaŭ.