CVK Ukrainy aficyjna abviaściła pra druhi tur. Zialenski pavialičyŭ adryŭ da 14%
Centralnaja vybarčaja kamisija Ukrainy paśla padliku 60% pratakołaŭ aficyjna zajaviła, što nivodny z kandydataŭ užo nie zmoža nabrać bolšaści hałasoŭ vybarščykaŭ. U krainie projdzie druhi tur vybaraŭ prezidenta — 21 krasavika.
«Ja źviartaju ŭvahu, što budzie druhi tur, pierad CVK staić vielmi ambicyjnaja zadača, bo časavy adrezak, jaki jość pamiž padviadzieńniem kančatkovych vynikaŭ i padpisańniem CVK pratakołu pryznačeńnia hałasavańnia 21 krasavika pa druhim tury, — vielmi i vielmi karotki», — paviedamiła ŭ paniadziełak na bryfinhu staršynia CVK Taćciana Ślipačuk, piša TASS.
Na dadzieny momant CVK Ukrainy apracavaŭ 62,74% pratakołaŭ. Lidar pieradvybarčaj honki Uładzimir Zialenski pavialičvaje adryŭ ad inšych kandydataŭ, u jaho ŭžo 30,40% hałasoŭ vybarščykaŭ. Druhi radok u Piatra Parašenki z 16,34%. Za im ź nievialikim adryvam idzie lidar partyi «Baćkaŭščyna» Julija Cimašenka — 13,09%.