Rasijski režysior Kirył Siarebranikaŭ vyjšaŭ z-pad chatniaha aryštu
Masharsud źmianiŭ mieru strymańnia režysioru Kiryłu Siarebranikavym z chatniaha aryštu na padpisku ab niavyjeździe.
Takoje ž rašeńnie pryniata ŭ dačynieńni da inšych fihurantaŭ spravy «Siomaj studyi» — Sofji Apfielbaum i Juryja Icina.
Takim čynam Masharsud admianiŭ pastanovu Miaščanskaha suda, jaki 2 krasavika padoŭžyŭ termin utrymańnia pad chatnim aryštam fihurantaŭ spravy da lipienia 2019 hoda.
Siarebranikaŭ abvinavačvajecca ŭ raskradańni 68 miljonaŭ rasijskich rubloŭ (1,1 młn dalaraŭ) ź dziaržsubsidyi na padtrymku sučasnaha mastactva, jakuju atrymała jaho pradziusarskaja kampanija «Siomaja studyja». Pa spravie prachodziać taksama čaćviora padnačalenych režysiora z «Siomaj studyi» i «Hohal-centra».
U jaho padtrymku vystupali roznyja viadomyja ludzi.