U paradzie 3 lipienia ŭpieršyniu voźmie ŭdzieł «žanočy połk» MUS
Upieršyniu ŭ vajskovym paradzie ŭ Minsku ŭ honar Dnia Niezaležnaści voźmie ŭdzieł žanočy strajavy raźlik biełaruskaj milicyi. «My pakažam, jakija dziaŭčaty słužać u AUS i va ŭnutranych vojskach MUS», — zajaviŭ u intervju «Śpiecnazu» namieśnik ministra, kamandujučy ŭnutranymi vojskami MUS hienierał-major Juryj Karajeŭ, paviedamlaje «Minsk-Naviny».
Namieśnik ministra ŭpeŭnieny, što dziaŭčaty hodna pradstaviać viedamstva. Kolkaść «žanočaha raźliku» — 150 čałaviek.
U 2018 hodzie ŭ paradzie 3 lipienia ŭpieršyniu ŭziali ŭdzieł zvodnyja raźliki, jakija składajucca z žančyn-vajskoŭcaŭ i navučencaŭ śpiecyjalizavanych licejaŭ i kadeckich kłasaŭ.
— My pakažam, jakija dziaŭčaty słužać u AUS i va ŭnutranych vojskach MUS. Jak jany, kali treba, projduć šychtom, pakažuć našu zładžanaść, moc i pryhažość usiamu śvietu, — skazaŭ Karajeŭ.