Minharvykankam zabaraniŭ antyałkaholny marš
Tamu arhanizatary mierapryjemstva vyrašyli ŭstrymacca ad praviadzieńnia niesankcyjanavanaj akcyi.
Tamu arhanizatary mierapryjemstva vyrašyli ŭstrymacca ad praviadzieńnia niesankcyjanavanaj akcyi.
Minharvykankam nie zadavoliŭ zajaŭku žycharoŭ staličnaha mikrarajona Kurasoŭščyna na praviadzieńnie 10 studzienia antyałkaholnaj demanstracyi.
Arhanizataram akcyi daviali, što vybranaja dla mitynhu placoŭka nie adpaviadaje nieabchodnym patrabavańniam, a šeście pa zapytanym maršrucie budzie pieraškadžać ruchu transpartu i piešachodaŭ.
«Spačatku my mierkavali, što budziem ładzić niesankcyjanavanuju akcyju, ale ŭrešcie pieradumali i vyrašyli ŭstrymacca ad takoj idei» — paviedamiŭ adzin ź inicyjataraŭ antyałkaholnaj demanstracyi Leanid Skarabahaty.
Jon paviedamiŭ, što arhanizatary mierapryjemstva nie apuskajuć ruki i buduć šukać lehalnych šlachoŭ praviadzieńnia akcyj suprać ałkahalizacyi nasielnictva.