Aktyvisty prosiać Łukašenku viarnuć źniesienyja kryžy ŭ Kurapaty
Hanna Šapućka i Nina Bahinskaja ŭ Kurapatach 4 krasavika 2019 hoda, praz paru chvilin spadaryniu Ninu zatrymajuć, fota Voli Aficeravaj.
Niekalki aktyvistaŭ adnieśli ŭ Administracyju prezidenta adkryty zvarot da prezidenta, u jakim prosiać Alaksandra Łukašenku viarnuć 70 źniesienych kryžoŭ va ŭročyščy, piša Tut.by.
Siarod tych, chto padpisaŭ zvarot, aktyvisty Hanna Šapućka, Valeryj Rabcaŭ, lidar «Maładoha frontu» Dzianis Urbanovič.
Hanna Šapućka patłumačyła, što ličyć znos kryžoŭ va ŭročyščy aktam vandalizmu.
— Heta nie dobraŭparadkavańnie terytoryi, jak jany heta nazvali, heta akt złačynstva suprać naroda, hramadstva. My patrabujem viarnuć kryžy na miesca, — ckazała jana.
Šapućka taksama raspaviała, što na kryžy i ich ŭstanoŭku praz kraŭdfandynh było sabrana i patračana 11 tysiač rubloŭ.
— Hetyja kryžy byli ŭstalavanyja ludźmi, na ich źbirali hrošy z usioj krainy. A potym ich źnieśli, ja bačyła, jak ich łamali. Heta biezzakońnie niejkaje, — miarkuje aktyvistka.