Mahiloviec skraŭ ź cira makiet aŭtamata i pabieh ź im pa vulicy, imitujučy stralaninu
18-hadovy chłopiec u Mahilovie skraŭ ź cira makiet aŭtamata Kałašnikava koštam 39 rubloŭ 50 kapiejek. Jon byŭ pjany. Asobu maładoha čałavieka vyśvietlili supracoŭniki adździeła kryminalnaha vyšuku.
Elektramancior adnoj z arhanizacyj horada ŭ toj viečar viartaŭsia ź viečarynki i pierabraŭ sa śpirtnym. Jon zajšoŭ u cir i schapiŭ sa stojki makiet aŭtamata. Nie źviartajučy ŭvahi na prośby supracoŭnika cira pastavić jaho na miesca, chłopiec pabieh ź im pa vulicy, imitujučy stralaninu. Minaki adskokvali ŭbok, a tyja, chto pačuŭ kryki supracoŭnika, sprabavali spynić chłopca, ale jašče niekalki mietraŭ jon bieh z makietam napieravies.
Vyrašajecca pytańnie ab zaviadzieńni kryminalnaj spravy za zamach na rabavańnie.