Łukašenka: Nas bjuć u levuju ščaku — my padstaŭlajem pravuju. Raźbiaryciesia i dakładzicie
Łukašenka siońnia na naradzie pa ekanomicy vykazaŭ paprok u adras urada, što toj nibyta nie bačyć adpaviednaj situacyi z pastaŭkami na rasijski rynak, piša BiełTA.
«Dobra, siońnia vice-premjer (majecca na ŭvazie niadaŭna pryznačany vice-premjeram Uładzimir Dvornik, jaki kuryruje śfieru APK i ekspartu praduktaŭ) pracuje biez hoda tydzień, jon jašče nie paśpieŭ razabracca. Ale jość ža i premjer, i pieršy vice-premjer, dy i vy pavinny heta bačyć».
«My pavinny prymać adpaviednyja miery. Nu što my ŭvieś čas: nas bjuć u levuju ščaku — my padstaŭlajem pravuju. Raźbiaryciesia i paviedamicie asobna na nastupnym tydni», — skazaŭ Alaksandr Łukašenka.
Kiraŭnik dziaržavy adznačyŭ, što siarod dakładaŭ pa temach, vyniesienych na naradu, chacieŭ by vysłuchać i punkt hledžańnia ŭrada pa hetym asnoŭnym pytańni, źviazanym z pracaj na rasijskim napramku.