U Smarhoni muž vyliŭ na 23-hadovuju žonku dva čajniki kipieniu. A jana admoviłasia pisać na jaho zajavu
Viadoma, što mužčyna žyvie z 23-hadovaj siabroŭkaj užo šeść hadoŭ. Ale ŭ ich dvoje małaletnich dziaciej, paviedamlaje kraj.by
Zdareńnie ž adbyłosia 16 lutaha. U hości da ich pryjšoŭ brat mužčyny. Vypivali. Kali hość pajšoŭ, pjany haspadar raptam zapadozryŭ svaju žančynu ŭ zdradach. Z reŭnaści jon vyliŭ na jaje čajnik haračaj vady. Paciarpiełaja ŭciakła na bałkon, ale raŭniviec nie supakoiŭsia. Jon znoŭ naliŭ u čajnik vady i pastaviŭ jaho na ahoń. Potym i hetuju vadu vyliŭ na žančynu.
Jana atrymała termičnyja apioki 7% cieła — šyi, plačej, hrudzi, žyvata — troch stupieniaŭ.
Kryminalnaja sprava biez zajavy paciarpiełaj nie zaviedziena.
Žančyna, jakaja znachodzicca ŭ dekretnym adpačynku pa dohladzie dziaciej, nie stała pisać zajavu. Ale jaje maci patrabuje pryciahnuć sužyciela dački da adkaznaści.