Ukrainskaja palicyja zaviała spravu praz rolik ź Zialenskim
Ukrainskaja palicyja raspačała kryminalnuju spravu pa fakcie raspaŭsiudžvańnia rolika, na jakim kandydata ŭ prezidenty Ukrainy Uładzimira Zialenskaha źbivaje hruzavik.
Spravu adkryli pa č. 2 art. 346 Kryminalnaha kodeksa Ukrainy (pahroza abo hvałt u dačynieńni da dziaržaŭnaha abo hramadskaha dziejača).
Pravodzicca pravierka, palicyja vyśviatlaje abstaviny źjaŭleńnia hetaha videa i asob, jakija majuć dačynieńnie da jaho zamovy, vyrabu i raspaŭsiudžvańnia.
Taksama rychtujecca aficyjny zapyt u administracyju sacyjalnych sietak, jakija raspaŭsiudzili heta videa. Palicyja budzie patrabavać vydalić kantent.
Napiaredadni ŭ siecivie źjaviŭsia videarolik, u jakim fura źbivaje Zialenskaha na darozie.
Videa było apublikavana pozna ŭviečary ŭ aŭtorak, 10 krasavika, u Telegram-kanale Jeŭrapiejskaja budučynia Ukrainy — mienavita hety kanał byŭ nazvany ŭ zvarocie Parašenki 7 krasavika, dzie jon zaklikaje vybarščykaŭ dałučycca da jaho kamandy.
U Telegram-kanale rolik byŭ apublikavany z kamientarom «Zie End».