U Homieli ŭnučka skrała ŭ babuli amal 9 tysiač dalaraŭ
U Homieli apieratyŭniki zatrymali 21-hadovuju miascovuju žycharku, jakaja skrała ŭ svajoj babuli $8,8 tysiačy, paviedamlaje MUS.
Svajački žyvuć u adnym domie. Pieryjadyčna babula źjazdžaje na niekalki dzion na daču, zamykajučy svoj pakoj na zamok. Niahledziačy na heta, dziaŭčyna znajšła sposab skraści hrošy.
Paciarpiełaja vyjaviła prapažu hrošaj, kali viarnułasia dadomu z čarhovaj pajezdki na daču. Pra heta jana tut ža paviedamiła ŭ milicyju.
Hrošy ŭnučka zmarnavała na ŭłasnyja patreby: častku hrošaj jana addała znajomamu ŭ jakaści kampiensacyi za pabity ŭ DTZ aŭtamabil, a taksama kupiła pyłasos, mikrachvalovuju pieč, palito i inšaje. $1,3 tysiačy ŭ dziaŭčyny kanfiskavali pravaachoŭniki.
Dziaŭčynu zatrymali, jana znachodzicca ŭ IČU. Zaviedziena kryminalnaja sprava pa č.3 art.205 KK Biełarusi (kradziež u bujnym pamiery).