Zialenski — Parašenku: Ja nie vaš apanient, ja vaš prysud
Kandydat u prezidenty Ukrainy Uładzimir Zialenski zajaviŭ, što Piatro Parašenka jamu nie apanient, a chutčej prysud jaho prezidenctvu z 2014 hoda.
Pra heta jon skazaŭ 19 krasavika padčas debataŭ pamiž kandydatami na NSK «Alimpijski», adkazvajučy na pytańnie Parašenki.
U pryvatnaści, Parašenka spytaŭ Zialenskaha, ci loh by jon pad nož chirurha, jaki pryjšoŭ u apieracyjnuju, kab pavučycca, namiakajučy, što ŭ Zialenskaha niama vopytu.
Taksama Parašenka spytaŭ, jakim hałoŭnakamandujučym budzie čałaviek, jaki paźbiahaŭ pryzyvu z 2014 hoda?
«Ja nie vaš apanient, ja vaš prysud», — adkazaŭ Zialenski.
«Što tyčycca hałoŭnakamandujučaha, spadar Parašenka, zaraz vajna. Vy mnie zadajacie takija pytańni, na jakija pavinny sami adkazvać. Pytańnie, čamu vajna dahetul nie skončyłasia, — voś taki vy hałoŭnakamandujučy», — dadaŭ Zialenski.
{POLL#850}