Namieśnika hiendyrektara «Biełšyny» asudzili na 7 hadoŭ
Sud Kastryčnickaha rajona Mahilova asudziŭ namieśnika hienieralnaha dyrektara AAT «Biełšyna». Michaiła Kanaplickaha pryznali vinavatym u atrymańni chabaru i machlarstvie, piša Tut.by.
Kanaplickaha asudzili na 7 hadoŭ kałonii ŭzmocnienaha režymu z kanfiskacyjaj usioj majomaści. Prysud nie nabyŭ moc i moža być abskardžany.
Kanaplickaha zatrymali ŭ krasaviku 2018 hoda ŭ Mahilovie padčas atrymańnia chabaru 30 tysiač rubloŭ ad dyrektara budaŭničaj arhanizacyi. Za heta namieśnik hiendyrektara «Biełšyny» pavinien byŭ padpisać z budaŭničaj arhanizacyjaj damovu ab vykanańni demantažnych i budaŭničych pracaŭ na abjektach «Biełšyny».
Suprać Kanaplickaha pačali kryminalnuju spravu za atrymańnia chabaru. Paźniej vyśvietlili, što epizodaŭ chabarnictva było 5 na ahulnuju sumu 64 tysiačy rubloŭ.