«Viełkom» pavyšaje taryfy na 18%
U suviazi z devalvacyjaj nacyjanalnaj valuty, što adbyłasia ŭ pačatku hetaha hoda...
U suviazi z devalvacyjaj nacyjanalnaj valuty, što adbyłasia ŭ pačatku hetaha hoda, apieratar sotavaj suviazi ZP «Viełkom» pryniaŭ rašeńnie ab pavyšeńni taryfaŭ na 18% pa ŭsich taryfnych płanach velcom i «Pryviet» z 15 lutaha 2009 hoda.Pra heta paviedamiła pres‑słužba kampanii.
Źmienicca i košt dadatkovych i śpiecyjalnych pasłuh. Jak tłumačać u pres‑słužbie, taryfy pavyšajucca biez uliku padatkaŭ i akruhlajucca da rubla pavodle praviłaŭ akruhleńnia. Pieradapłata pry padklučeńni da velcom i košt kamplekta «Pryviet» zachavajecca na ciapierašnim uzroŭni.
«Paśla dakładnaha analizu ŭzrosłych raschodaŭ kampanii my pavialičvajem taryfy tolki na 18%. Takim čynam, ZP «Viełkom» biare na siabie častku raschodaŭ, źviazanych z adnamomantnaj devalvacyjaj kursu nacyjanalnaj valuty. Hetaje pavyšeńnie dazvolić zabiaśpiečyć pradastaŭleńnie pasłuh ZP «Viełkom» na raniejšym uzroŭni i inviestavańnie ŭ raźvićcio kampanii, jaje budučyniu», — havorycca ŭ paviedamleńni.
Zaznačajecca taksama, što byŭ vypracavany «maksimalna prazrysty i zrazumieły dla abanientaŭ pryncyp źmieny cen». Miechanizm raźliku karekciroŭki taryfaŭ apublikavany na sajcie www.velcom.by.
Pavodle vynikaŭ treciaha kvartała 2008 hoda velcom paviedamlaŭ pra 3,52 młn. svaich abanientaŭ.