Zialenski pavinšavaŭ ukraincaŭ ź Vialikadniem na dźviuch movach
Pieramožca druhoha tura prezidenckich vybaraŭ va Ukrainie Uładzimir Zialenski ŭ Facebook pavinšavaŭ hramadzian krainy ź Vialikadniem na ukrainskaj i rasiejskaj movach.
«Sa śvietłym śviatam usich ukraincaŭ, va ŭsich kutkach płaniety, dzie b jany ni znachodzilisia!» — napisaŭ Zialenski. Jon adznačyŭ, što vinšuje ŭsich hramadzian krainy — žycharoŭ Zachadu, Poŭdnia, Uschodu, Poŭnačy i Centra.
«A asabliva chaču pavinšavać tych, dziakujučy kamu my majem mahčymaść siońnia śviatkavać — heta našy voiny i abaroncy», — dadaŭ jon.