U Vieniesuele adklučyli viaščańnie CNN i Bi-bi-si
Urad Vieniesueły rasparadziŭsia spynić viaščańnie CNN u sietkach kabielnych apierataraŭ krainy. Pra heta havorycca ŭ paviedamleńni na sajcie amierykanskaha telekanała.
Sajt telekanała zastajecca dastupnym. Pradstaŭnik CNN ad kamientaroŭ admoviŭsia. Heta nie pieršy vypadak, kali CNN zabłakavany ŭ Vieniesuele, adznačyŭ telekanał.
Nacyjanalnaja kamisija pa telekamunikacyjach Vieniesueły (Conatel) addała adpaviednaje rasparadžeńnie viaščalnikam DirecTV, Net Uno, Intercable i Telefonica. Sihnał byŭ adklučany 30 krasavika ŭ 11:44 pa miascovym časie, adrazu paśla taho, jak telekanał pačaŭ tranślavać kadry sutyknieńniaŭ pamiž uradavymi siłami i apazicyjaj u Karakasie.
Viaščańnie CNN na ispanskaj movie było zabłakavana ŭ Vieniesuele jašče ŭ 2017 hodzie, adznačaje telekanał.
30 krasavika ŭłady taksama spynili viaščańnie brytanskaj teleradyjokarparacyi Bi-bi-si i vieniesuelskaj radyjostancyi Caracas Radio.