U krasaviku na sajcie NN.by zafiksavana bolš za 10 miljonaŭ prahladaŭ
Krasavik 2019 hoda byŭ nadzvyčaj paśpiachovym dla sajta «Našaj Nivy». Kolkaść unikalnych karystalnikaŭ i vizitaŭ dasiahnuła histaryčnaha maksimuma.
Za miesiac servis Google Analytics naličyŭ 899 tysiač unikalnych karystalnikaŭ. Dla nas važna, što heta nie zalotnyja hości adniekul z-za miažy, jakija traplajuć na sajt pa klikbejtnych spasyłkach. 83% karystalnikaŭ — žychary Biełarusi.
Hetyja čytačy zachodzili na sajt nie adnojčy, a pa niekalki razoŭ. U vyniku ahułam było zafiksavana 2,43 miljona vizitaŭ. Heta taksama rekord.
Narešcie, kožny naviednik, pierachodziačy pa spasyłkach, adkryvaje bolš za 4 teksty — heta adzin z najvyšejšych pakazčykaŭ siarod navinovych resursaŭ. Takim čynam, sistema i naličyła bolš za 10 miljonaŭ adkrytych staronak.