Paśla zvarotu dački Darenki palicyja zabaraniła vydavać jaho cieła žoncy, a raźvitańnie admianili
Raźvitańnie z žurnalistam 12 maja nie adbudziecca — jaho cieła budzie nakiravana na dadatkovuju sudova-miedycynskuju ekśpiertyzu. Jašče raz pravieryć pryčyny śmierci Darenki raniej paprasiła jaho dačka
U druhi maskoŭski sudovy morh ŭ noč na 12 maja pastupiŭ dakumient, padpisany namieśnikam načalnika śledčaj častki śledčaha ŭpraŭleńnia. Zhodna ź im, cieła žurnalista Siarhieja Darenki budzie nakiravana na paŭtornuju sudova-miedycynskuju ekśpiertyzu. Pra heta havorycca na sajcie radyjostancyi «Hovorit Moskva».
Raźvitańnie z Darenkam, udakładniajecca ŭ paviedamleńni, u suviazi hetym siońnia, 12 maja, nie adbudziecca. Jano pavinna było prajści na Trajakuraŭskich mohiłkach, adnak vydavać cieła žurnalista jaho žoncy Julii palicyja zabaraniła.
Julija — druhaja žonka žurnalista. Ad pieršaj žonki ŭ jaho było troje dziaciej.
Kamientujučy zdareńnie dla radyjostancyi «Havoryć Maskva», hałoŭny sudmiedekśpiert stalicy Siarhiej Šyhiejeŭ udakładniŭ, što dakumient, jaki zabaraniŭ ŭdavie publicysta siońnia zabirać cieła Darenka, «vierahodna, varta razumieć, jak nieabchodnaść dačakacca vynikaŭ sudova-chimičnaha daśledavańnia». Jano, dadaŭ surazmoŭca radyjostancyi, i tak pravodzicca ŭ płanavym paradku. «Zvyčajna jano zajmaje try tydni, ciapier jano budzie maksimalna paskorana», - dadaŭ Šyhiejeŭ.
Raniej jahonyja dočki ad pieršaha šlubu Ksienija i Kaciaryna zajavili, što žurnalist moh być atručany.
Pavodle aficyjnaj viersii, jakaja była ahučana pa vynikach pieršaj sudova-miedycynskaj ekśpiertyzy, Darenka pamior u vyniku razryvu aorty. Žurnalistu stała drenna padčas pajezdki na matacykle ŭ centry Maskvy. Jon pamior 9 maja. Darenku było 59 hadoŭ.