U Žłobinskim rajonie złačyncy vydali siabie, adramantavaŭšy zamok składa, ź jakoha krali
Mužčyny ŭ Žłobinskim rajonie adciskali dźviery schovišča aŭtamabilnym damkratam i krali miaški kambikormu praz ščylinu. Tak praciahvałasia davoli doŭha, pakul u pačatku krasavika nakładka naviasnoha zamka nie złamałasia ad napružańnia, piša ndsmi.by.
Viaskoŭcy vyrašyli zamieści ślady, źjeździli za zvaračnym aparatam i likvidavali pałomku.
Ślady «ramontu» zaŭvažyŭ kładaŭščyk, kiraŭnictva vyklikała milicyju i vielmi chutka padazravanych zatrymali. Ciapier im pahražaje pakarańnie da čatyroch hadoŭ pazbaŭleńnia voli.