Na Jutub adšukali pieśniu «Arcade» Dunkana Łoŭrensa, zapisanuju jašče ŭ 2017 hodzie. Pradziusar śpievaka sprabuje apraŭdacca
Foto: Martin Fjellanger, Eurovision Norway, EuroVisionary
Paśla pieramohi Łoŭrensa ŭ sietcy znajšli videa vystupu z toj ža kampazicyjaj Arcade, apublikavanaje na videachostynhu YouTube ŭ 2017 hodzie, piša Lenta.ru. Heta moža stać padstavaj dla pierahladu vynikaŭ konkursu, bo było parušana hałoŭnaje praviła spabornictva. Kampazicyja, jakaja ŭdzielničaje ŭ Jeŭrabačańni, nie moža być kamiercyjna vypuščana abo publična vykanana da 1 vieraśnia hoda, jaki papiaredničaje konkursu.
Pradziusar pieramožcy Jeŭrabačańnia Dunkana Łoŭrensa — Voŭter Chardzi — pryznaŭ, što praca nad kampazicyjaj Arcade viałasia na praciahu dvuch hadoŭ, pieradaje Algemeen Dagblad. Dla pieśni było napisana mnostva aranžyrovak ŭ pošuku lepšaj viersii. «My prajšli ŭvieś šlach z Arcade… Ad roznych tempaŭ da zusim inšaha rašeńnia», — padkreśliŭ jon.
Vydańnie padkreślivaje, što praviły nie byli parušanyja, bo kampazicyja vykonvałasia nažyva tolki adzin raz, a heta nie moža ličycca aficyjnym relizam.