Ankołahi: Soncaachoŭnymi kremami nielha karystacca štodnia
Ankołahi papiaredžvajuć: kremami dla zaharu abo zaściarohi ad sonca nielha karystacca štodnia — tolki na adpačynku. Uzmocnienaje prymianieńnie padobnych kaśmietyčnych srodkaŭ moža pravakavać raźvićcio raku skury i fotastareńnie, piša ahienctva «Minsk-Naviny».
Fota Skin.ru.
Navat pry vykarystańni soncaachoŭnych kremaŭ abo balzamaŭ nielha doŭha znachodzicca na adkrytym soncy, bo možna atrymać apioki. Akramia taho, intensiŭnaje ultrafijaletavaje apramianieńnie spryjaje pieraradžeńniu dabrajakasnych utvareńniaŭ skury ŭ złajakasnyja ci źjaŭleńniu novych radzimak, pihmientnych plam, papiłom.
— Soncaachoŭnyja kremy nie zmyvajucca — śćviardžajuć vytvorcy. Heta poŭnaje hłupstva! — kaža zahadčyk kafiedry ankałohii Biełaruskaj miedycynskaj akademii paśladypłomnaj adukacyi Alaksandr Žukaviec. — Tamu, kali zaharajecie, zmazvajcie cieła hetymi srodkami kožnyja 40 chvilin. Darečy, pieršapačatkova nanosić taki krem (balzam) varta chvilin za 20 da vychadu na adkrytaje sonca.
Hienietyčna ŭ biełarusaŭ — pieršy i druhi fotatyp skury, tamu my lohka možam atrymać soniečny apiok.
— A dla zdaroŭja dziciaci heta maje kudy bolš surjoznyja nastupstvy, čym dla darosłaha čałavieka. Pry atrymańni navat adnarazovaha soniečnaha apioku va ŭzroście da 14-15 hadoŭ, ryzyka raźvićcia miełanomy (raznavidnaści raku skury) u bolš stałym uzroście ŭzrastaje ŭ niekalki razoŭ, — zaŭvažaje hałoŭny navukovy supracoŭnik łabaratoryi rekanstruktyŭna-adnaŭlenčaj chirurhii i onkamamałohii RNPC ankałohii i miedycynskaj radyjałohii imia M. M. Alaksandrava Alaksandr Łukjanaŭ.