Biełaruś źniała zabaronu na ekspart naftapraduktaŭ
Biełaruś źniała abmiežavańni na ekspart svaich naftapraduktaŭ, jakija ŭvodzilisia ŭ suviazi z pastupleńniem niajakasnaj nafty z Rasii. Pra heta zajaviŭ staršynia «Biełnaftachima» Andrej Rybakoŭ, pieradaje BiełTA.
«Zabarona na ekspart całkam źniataja, jość tolki adno abaviazacielstva — heta zabieśpiačeńnie ŭnutranaha rynku ŭ poŭnym abjomie, — skazaŭ jon. — Rehuloŭku ekspartu ŭ ručnym režymie «Biełnaftachim» siońnia nie robić, ekspart naftapraduktaŭ idzie ŭ aŭtamatyčnym režymie, niama nijakich abmiežavańniaŭ».
Ciapier unutrany rynak całkam zabiaśpiečany jakasnym palivam, dadaŭ Rybakoŭ.