Hiermanija admoviłasia vykonvać mahčymyja sankcyi ZŠA pa «Paŭnočnym patoku — 2»
Ułady Hiermanii nie źbirajucca pryznavać i vykonvać sankcyi, jakija mohuć nakłaści ZŠA ŭ suviazi z budaŭnictvam hazapravoda «Paŭnočny patok — 2», paviedamlaje Reuters.
Niamieckija ŭłady nie pryznajuć eksterytaryjalnyja (jakija dziejničajuć u inšaj krainie) sankcyi, choć i pryniali da viedama pahrozy Vašynhtona, adznačyŭ surazmoŭca ahienctva.
Ministr enierhietyki ZŠA Ryk Pery zajaviŭ u aŭtorak u Kijevie, što zakonaprajekt ab sankcyjach, jaki nakładaje mocnyja abmiežavańni na kampanii, što ŭdzielničajuć u prajekcie Nord Stream 2, nieŭzabavie źjavicca.
Publikujecca ŭ miežach śpiecyjalnaj rubryki «Naviny Hiermanii»