U niamieckuju bundeślihu vyjšaŭ kłub, jaki hulaŭ u HDR, a ciapier patapiŭ byłuju kamandu Alaksandra Hleba
Atmaśfiera na matčy była viasiołaja, fota z instahrama «Unijona».
«Unijon Bierlin» adoleŭ «Štuthart» u stykavych matčach za miesca ŭ bundeślizie (2:2, 0:0) pa sumie dźviuch sustreč dziakujučy hałam na čužym poli.
Bierlinskaja kamanda prabiłasia ŭ vyšejšy dyvizijon niamieckaha futboła ŭpieršyniu paśla abjadnańnia Hiermanii ŭ 1990 hodzie.
Da abjadnańnia Hiermanii «Unijon Bierlin» vystupaŭ u čempijanacie HDR.
U minułym siezonie «Unijon Bierlin» zaniaŭ 3-je miesca ŭ druhoj bundeślizie i atrymaŭ prava zhulać u stykavych matčach.
«Štuthart», takim čynam, znoŭ vylecieŭ u druhuju bundeślihu paśla dvuch siezonaŭ paśla viartańnia ŭ elitny dyvizijon.
Za «Štuthart» u 2001—2005 hh. vystupaŭ Alaksandr Hleb. U hetaj kamandzie jon staŭ zorkaj niamieckaha futbołu, adkul pierajšoŭ u «Arsienał».