Byłaja žonka samaha bahataha čałavieka ŭ śviecie addaść $35 miljardaŭ na dabračynnaść
Byłaja žonka kiraŭnika kampanii Amazon Džefa Biezasa Makienzi Biezas zajaviła pra namier addać pałovu svajho bahaćcia na dabračynnaść, paviedamlaje Reuters. Bloomberg aceńvała jaje bahaćcie paśla razvodu ŭ $69 miljardaŭ.
Biezas dałučyłasia da «klatvy dareńnia» (Giving Pledge) — dabračynnaj kampanii, raspačataj u 2010 hodzie miljarderami Uorenam Bafietam i Biłam Hiejtsam. Da ciapierašniaha momantu klatvu padpisali niekalki sotniaŭ čałaviek, u tym liku kiraŭnik SpaceX i Tesla Iłan Mask i kiraŭnik Facebook Mark Cukierbierh.
«U mianie jość niesuraźmiernaja kolkaść hrošaj, jakimi ja mahu padzialicca. Moj padychod da dabračynnaści i dalej budzie asensavanym», — skazała jana.